【本報訊】前日確診的80歲男患者於上月23日發病期間，與患者同乘坐鑽石公主號的本港專欄作家林慧美（圖）昨接受本報查詢時表示，同船乘客有八成人為日本人，其餘兩成為外國人，只有少數香港人及數名操普通話的年輕人。她指，船上無人戴口罩，包括她本人，「因為當時疫情仲未算好嚴重，但有船員喺餐廳門口要求進入餐廳嘅人必須洗手，先至可以入去食飯，而且郵輪分時段食飯，餐廳坐唔滿，人流疏落」。
林慧美指，昨收到船公司通知有乘客確證感染武漢肺炎，「船公司同我講暫時其他乘客冇事，如果我有身體不適，就通知衞生署同船公司。最初聽到係有啲擔心，但消化咗消息後，就冇咁擔心」。她表示會聯絡衞生署匯報健康狀況，並自我隔離14日。
衞生防護中心傳染病處主任張竹君指，130人在香港上岸，當中86人為本港居民，其他人為日本、澳洲等外國人。當局已取得郵輪乘客名單，但沒有電話，呼籲他們聯絡當局跟進。張稱，掌握到患者在郵輪上的客房編號，但郵輪不似飛機固定位置，當局追蹤有一定困難。
■記者謝明明