香港前日新增一宗武漢肺炎確診個案，患者為一名80歲老翁，他上月曾乘坐鑽石公主號郵輪，於上月25日抵港。黎芷珊、陶傑、張寶華等一行8人同樣乘坐該郵輪，惹來被傳染疑雲，三人昨日分別回覆《蘋果》，黎芷珊和張寶華都表示會自我隔離，陶傑則表示：「不同層，冇不適。」
武漢肺炎疫情持續蔓延，衞生署衞生防護中心前日公佈，香港新增一宗武漢肺炎確診個案，患者為一名80歲老翁，於上月17日乘飛機由香港前往日本東京，上月20日於橫濱乘坐郵輪，其間與兩名女兒同行，上月25日返抵香港啟德郵輪碼頭。根據啟德郵輪碼頭船期，上月25日只有鑽石公主號郵輪抵港，碰巧黎芷珊、陶傑、張寶華等一行8人也同時乘坐該郵輪。
隔離至兩周後
黎芷珊昨日接受《蘋果》訪問，她說：「我身體冇事，其實25號返咗香港後，我都冇出過街，同埋我自己住，所以就算有事都應該冇傳染到其他人，我𠵱家冇任何病徵，冇乜特別唔舒服。」她又表示：「我一直都諗住自我隔離㗎喇，因為我外遊完返嚟，自己都擔心，一早就已經喺屋企自我隔離緊，噚晚知道之後當然有更多少少嘅擔心，不過可以放心，我冇病徵。我唔會出街㗎喇，嚟緊兩個星期我會繼續自我隔離。」至於同行友人，黎芷珊說：「佢哋都冇事，我哋噚晚都討論緊，但大家都冇病徵，我哋呢8個人都會自我隔離，直至到下下星期。」
陶傑昨日以短訊回覆《蘋果》，承認曾與確診患者同船：「不過不同層，冇不適。」有否自我隔離？他表示：「正式查找指引，要隔離的應該是近距離有接觸者。不過一架船有3,000人，如果要隔離的話，那個人住的葵青成個屋邨的居民恐怕都要，不必過度恐慌。」陶傑昨晚在fb撰文，指雖然防疫是靠「全球協力」，但質素惡劣的人不合作，一切皆是空言。他又表示：「特區政府又一次無法向內地尋求應得的資訊，抗疫無能，『沙士』300條人命在前，香港醫護人員不想做政府炮灰，亦人之常情。」並要求政府全面雙向封關。
已告知衞生署
張寶華表示昨日凌晨3時多得知消息後，大嚇一驚：「我諗應該冇事啩，佢哋喺10樓，我哋喺11樓，同埋船分好多艙，佢哋喺船頭，我哋喺船尾，都有一段距離。」大批旅客同船數天，在餐廳、大堂等公眾地方可能會有交集，張寶華表示：「餐廳好好，旁邊有洗手盆，佢哋派咗兩個員工企喺餐廳旁邊叫人洗手、洗足20秒先食飯，我有次掛住玩手機直行，佢都有叫停我洗手。我冇印象有80幾歲嘅香港人，大部份係日本人多，講廣東話嘅好少。」她昨日在fb貼文表示一行人昨午已跟衞生署聯絡，衞生署已告知他們不用隔離，可以照常出街，但要做足安全措施，張寶華又笑說假若在街上見到她與黎芷珊等也不要害怕。
採訪：嵐山、皓騫、何永寧、林妙萍
