【本報訊】「罷工係一個沉重但正確嘅選擇」，簽了投名狀罷工的九龍中聯網內科護士Apple（化名）說。有人將現時醫護罷工與沙士時醫護奮不顧身抗疫相比，認為現時醫護罷工是逃兵。Apple說，若是貪生怕死倒不如乾脆辭職，但疫症不會因醫護辭職而消失。醫護人員押上自己前途，承擔將來被秋後算賬的風險，只為希望政府全面封關，堵截源頭，否則出現社區爆發，最終受害是全香港人。若政府沒回應，她一定跟隨工會安排罷工五日，希望破釜沉舟保護香港，「只要政府一封關，我一定即刻返崗位做嘢」。
斥裝備不足 醫療體系爆煲
Apple說，醫院保護裝備不足，有其他病房的同事會向她任職的隔離病房借口罩。為免自己在醫院感染甚至將病毒帶返社區，她在醫院做足感染控制措施，離開醫院前沖涼。她指，若出現社區爆發，已經爆煲的公營醫療體系無法承受。
建制團體站在所謂道德高地，批評醫護不應在打仗時罷工，Apple說：「我唔係貪心怕死唔想面對疫情，係政府要做佢應該做嘅嘢，唔需要讚我哋偉大或者喺度喊。」2003年沙士疫潮爆發時，香港未開放內地自由行，但一開始香港便有社區爆發及人傳人個案，Apple指現時政府尚有時間堵塞關口漏洞，卻連權威專家意見也聽不入耳，「罷工唔係為我哋自身利益，係想保障全香港市民」。
Apple說，罷工是沉重的決定，自己也經過一番掙扎，平衡罷工對病人的影響及道德責任。她指罷工是破釜沉舟的方法，「用我哋嘅前途做賭注，我哋承受嘅後果唔係外人可以諗到」，在非常繁忙的公院難以按章工作，倒不如進一步罷工。她已下了最大決心，若政府不回應訴求，她會跟隨工會在4日至7日連續罷工五日。
自稱受「道德綁架」的九龍中聯網內科護士Cindy（化名）說，不及Apple般堅定，未決定會罷工多少日。她掙扎過是否參加，「最擔心唔係驚冇咗份工，係驚病人受影響」，同時也擔心增加沒罷工同事工作量。但她思前想後，若不斷有懷疑個案入院，醫護人員無法照顧好本身的病人，最終受苦也是港人。
「政府用全港人做賭注」
指摘醫護罷工的聲音越來越多，Cindy不諱言「難聽啲講病人好似係我哋籌碼，但係政府𠵱家用全港人做賭注」，賭這次疫症對香港禍害有多大，「係唔係有100個確診個案佢先做嘢，佢唔堵斷源頭，全個香港繼續陷入瘋狂狀態搶口罩。Cindy直言，以過去七個月政府的作為，她不敢奢望政府會因罷工而跪低，但也願意押上前途一試，「我都想喺度同同事、病人講聲對唔住，我哋希望同大家齊上齊落」。
■記者陳沛冰