公立醫院護士Nick（化名）從來沒有想過，自己工作多年的內科隔離病房會成為醫院內人人敬而遠之的地方，如今病房內全是疑似患有武漢肺炎的病人，等待流感及冠狀病毒測試完成後，再將確診者送往瑪嘉烈醫院傳染病中心，「有醫生聽到要上嚟做嘢，會話『吓……真係要嚟呀？好啦……』」猶如要踏進鬼門關，Nick的朋友最近問候時都無奈地變成叫他「唔好死」。
Nick回想武漢肺炎疫情爆發之前，隔離病房內多數是生蛇、肺癆等病症，病人主要是本地長者。不過，現時超過九成病人都是說普通話或語帶鄉音的非本地居民，只有小部份是由內地回港的香港人，「佢哋個名全部都係拼音字」。
「點解港人納咗稅冇回報」
當醫護工會積極籌備明日罷工，嘗試迫使政府聽從民意全面封關，阻止內地旅客湧入香港，維持本地人的醫療質素，但政府高層卻將醫護說成是「貪生怕死」之徒。Nick解釋，所謂隔離病房其實都是由其他普通病房改裝而成，當疑似武漢肺炎患者人數增加，隔離病房需求殷切，醫院惟有將更多普通病房改裝成隔離病房，結果只是苦了住在普通病房的患者，令他們越住越逼，「政府成日話醫護人員罷工偏激，其實最偏激係政府。你可以想像下，普通病房病人個個好似瞓喺條走廊度，冇晒私隱，只能攤喺張床度」。
早前醫管局被揭發非本地居民的武漢肺炎呈報能免費接受醫治，Nick對此生氣得很，「未有肺炎之前，因為流感高峯期本身公立醫院個醫療體系已經頂唔順，內科病床唔夠用，你𠵱家話免費咪仲唔夠人手？」即使政府隨後宣佈改為要向非本地呈報個案收費，但Nick認為沒有太大幫助，「由10年前開始，已經好多大陸人走數」，而本地人變相少了醫療機會。Nick反問：「點解香港人納咗稅但冇回報？」