熱刺前鋒哈利卡尼喺一月頭對修咸頓時，因拉傷左腳大腿筋肌腱要做手術，有傳佢最快要四月先可以復出，但完成手術嘅佢，唔夠一個月就急不及待咁開始復康之路，禮拜四喺社交媒體發佈咗條自己用拉筋帶幫左腳做伸展訓練嘅影片，仲寫埋：「勤奮努力，取得進展！」希望可以盡快趕喺季尾復出幫熱刺搏殺之餘，更重要係趕及六月替英格蘭國家隊踢歐國盃決賽周。