【驗樓直擊】陳氏夫婦去年結婚，去年初見永泰（369）屯門The Carmel開賣，陳太憶述：「當時睇廣告話回到2015年心動價，呎價幾抵，最低呎價9,000幾蚊……買新樓仲可以慳返裝修費。」結果以約430萬元買入1座低層一房戶，實用368方呎，到近日收樓，資深驗樓師詹濟南卻發現「22呎露台囚室」：因露台門外沒手抽，站在露台關門，就會被困在外。詹Sir最終驗樓得63分，業主陳太感失望。
當日置業，陳氏夫婦支付兩成首期連雜費約100萬元，當中一半由家人支援；陳太認為，今時今日不做「父幹族」，「唔食唔使（錢）好慳好慳咁樣，成份糧儲起，但咁樣就會冇咗人生」。結果買入單位半年後，逆權運動開始，「我都係要住，唔諗得咁多，香港前景冇人知，樓價跌咪大家一齊跌，升咪大家一齊升。與其租樓，不如自己買，就算樓價跌，都係要租樓」。樓書顯示項目關鍵日期是今年3月底，但提早至1月已收樓，「擔心佢趕工，手工會馬虎」。到她收樓，「衝入單位，結果都真係馬虎，有少少驚嚇」。
到詹Sir驗樓時由客廳行出露台，甫關露台門便在外敲門求救，「呢度出咗去返唔到入嚟，門柄冇拉手，拉又唔得」；該露台面積22方呎，陳太日後站在露台、不慎關門就會被困。詹Sir返入客廳回望露台門玻璃，圈出一條又一條花痕，旁邊另一隻窗玻璃花痕亦圈到手軟，窗扇與窗框不緊貼。
玻璃問題多 窗地磚零分
轉身開雪櫃，詹Sir表示：「漏氣啦，雪櫃門閂得唔貼，入面好多水珠。」單位窗戶除了花痕及崩花，睡房一扇窗的玻璃壓線亦鬆開，「壓線造長咗，所以貼唔實，呢個扣大分，係手工失誤，以往好少出現呢個問題」。詹Sir評語：「入來睇單位，門面工夫唔似咁低分，細心獨立調查後發現好多地方都低分。」窗、地磚零分，油漆不及格，單位得63分；他補充，暫時驗收這個項目數個單位，評分都是60多分至70多分，主要是玻璃問題較多。
永泰發言人回應，大部份執修及檢查預期可於2月7日或之前完成；個別項目訂購物料或安排設備需時，發展商會盡快完成，並安排與業主驗收。至於露台，設計已考慮日常使用需要，致力平衡美觀及實用要求。