【本報訊】公營醫療體系人員發動大規模罷工，有人罵他們是逃兵。律敦治醫院內科副顧問醫生翁梓銳道出前線醫護的辛酸，說他們每日上班都有心理壓力，擔心有隱形病人、擔心病人隱瞞到過內地、擔心自己做錯步驟令病毒在醫院內擴散、擔心出現社區爆發，「如果我哋失守，等如香港喺呢個疫症失守」。
醫護是一個高風險行業，沙士時醫護奮力迎戰，犧牲了醫護性命才打勝仗，「我哋係擔心為政策錯誤而死，我哋唔係為政府打工，唔係為醫管局打工，係為市民打工」，醫護發起最後怒吼，只為守護香港。
已抽生死籤「一定驚」
03年沙士時翁梓銳仍是醫科生，06年畢業後一直在律敦治醫院工作。日前其中一名確診武漢肺炎病人，首次到該院急症室打瘋狗症針時，隱瞞曾在武漢的街市工作。翁梓銳說，急症室是醫院第一道防線，他作為內科醫生，最擔心是病人在急症室求醫時隱瞞高危因素，上到病房被確診後，病毒恐已在病房內擴散，感染其他體弱的病人，也令醫院要再花不少時間及資源阻止病毒在內院蔓延。
翁梓銳任職的病房已抽生死籤，他抽到第六輪做dirty team，若疫情嚴重，預計可能3月底要上陣。「驚，一定驚」，翁梓銳擔心病毒在社區爆發，「到時冇得估邊個係（受感染）邊個唔係，當真係社區爆發，全香港人都係」。疫情開始後，他憶起當年沙士的慘痛情景，現時同僚上班也有心理壓力，尤其是家中有孩子的同僚，擔心做dirty team後是否可以回家。但政府卻在平行時空，完全沒有體恤醫護人員的憂慮，「政府做任何policy（政策）都冇諗過前線醫護」。翁梓銳說：「沙士時董太（時任特首夫人）叫人洗手戴口罩，𠵱家冇一次肯公開叫人戴口罩，佢自己（林鄭月娥）戴又戴到錯晒，佢連公開講一次都冇，係唔係要政治正確到咁？」
罷工是最後手段
林鄭月娥斥責醫護以罷工威脅政府全面封關，並說「可能過去七個月，大家習慣用激烈行為」。翁梓銳反而認為，過去七個月香港很多年輕一輩已不信任政府，「過埋呢一次就更加唔信任，大家都覺得政府唔可信，如果唔係市民唔會排隊搶口罩」。不同權威專家已多次要求政府全面封關 ，但政府無動於衷，「我諗我哋識嘅，多過林鄭月娥同張建宗，咁你都要聽大部份前線專業嘅意見」。公立醫院是疫症中第一個戰場，「如果我哋失守，等如香港係呢個疫情失守」。他說醫護罷工是最後手段，最終是想保衞香港。
有人說醫護在現時危緊關頭集體請病假、罷工、辭職是逃兵，翁梓銳說：「我哋擔心為政策錯誤而死。」。杏林覺醒成員黃任匡醫生在其facebook上留言說：「如果我哋有同事犧牲，你哋班官要填命。」翁梓銳覺得「填命都冇用，你死十次都賠唔番個同事，賠唔番個同事畀人哋屋企人」。多年來公立醫院瀕臨崩潰邊緣，靠醫護人員捱義氣支撐，「經過今次士氣一定差好多」，若有同事傷亡，定必令士氣更低落，甚至可能引發醫護辭職。
■記者陳沛冰