全城抗疫但欠罩，只有黑警唔慌冇罩用，還有心情向NBC女記者胸襲。四點鐘黑警給力，不妨大話冚大話：「同事只係想用左手幫女記者量體溫。」黑警對外國傳媒起痰，確診為乜嘢病病發？天眼恢恢，PK鄧，等住後尾枕被鬼拍。
醫管局包底，冇香港人優先這回事，內地人只要招認同胞身份，冚家有救。林奠慷香港人之慨，向強國人廣傳，有徵狀者，無限歡迎湧港治療。一直說「冇我們來消費香港人早就餓死」的強國人呢鋪唔使再隱瞞，唔使發爛渣，只要成功抵壘，醫護就得無差別救援。香港雖然無高官為國捐軀，貢獻是肯定超越武漢的。林奠功績膨脹柒吋，天堂已經唔夠位俾佢落腳。
醫管局異於各省市，向武漢肺炎大開中門，勁過「國難忠醫」。國難忠醫「被嫖妓」兼人間蒸發，香港醫護醞釀罷工自救，會不會變成國難忠醫翻版？最切實際的，是PK鄧挑機車公，馬謖上身（被斬前），被墮樓、被浮屍的醫護與病患，最終一定無可疑！內地疫區聯乘PK合作示範，武漢肺炎確診者被浮屍、被油塘宿舍式墮樓，感染個案，戲劇性急跌至7，向梁卓偉扯罩打臉：36萬宗爆發嗎？你造謠！習帝被侵侵猛讚，獨享殺疫英雄光環。武漢人禍，香港暴政，無人落鑊，完。