醫管局高層鍾健禮日前提出：若符合呈報機制，非本地人隔離治療，將獲豁免收費……
同伴認為多此一舉，形同：我有大把錢，屋企中門大開，予拿予取！
是否相關反應未知，鍾健禮發言未幾，媒體朋友傳來短片，戴上口罩人山人海，在珠海衝澳門關，聽說尋求轉運到港避難。
港人大肚婆缺床生仔言猶在耳，作為高級官員或機關發言人大概忘記幾年前，鬧得熱烘烘雙非嬰事件。官員發言不謹慎引發後遺症，難道官員識得解決？
最終，還不是港人負責埋單！
一個多月前，筆者仍在巴黎。
1月6日，記者會上，林鄭月娥對武漢嚴重肺炎有這樣的說法：香港未有武漢相關嚴重肺炎個案，籲巿民勿轉載謠言！
政府將以「先訂立、後審議」方式，修訂「預防及控制疾病條例」（第 599章）……
林鄭強調，政府將會以「迅速應變、嚴陣以待、公開透明」的原則，處理今次傳染病的風險……最後重點：小心分辨假消息，免謠言引起恐慌！
政府通報，官樣文章，無大意義；心感林鄭對巿民的呼籲頗有問題，跟好友 WhatsApp：好心佢就唔好咁老定啦，內地消息一般不會隨便透明，去到透明已經兵敗如山倒，兵臨城下，欲挽狂瀾而無門！
好友當時回覆：閣下已出門整月，感受不來香港消息，最近各方面的謠言滿天飛……
就是社會謠言滿天飛，作為特首，一而再再而三犯下大錯的林鄭，發言更須謹慎，一個唔該買大開細又輸通行！
不如簡單交代，然後呼籲巿民提高警覺，萬事小心，之後任何重大事故巿民也不會太怪罪到你頭上；好嘅唔靈醜嘅靈，如今事件大大鑊，問你林鄭有幾多個背脊揹鑊？
一星期前上飛機去尼泊爾，坐滿人客商務艙，不見任何人戴口罩。過去幾天疫情嚴重已成國際大新聞，就是山中國度也傳言滿天飛，相信回港航班風景大不同，人人必然口罩嚴陣以待。