電視台搵風水師拆解名人流年。以下名人，市民眼睛雪亮，唔靠風水佬自己都可以拆掂佢。
PK721。網民瘋傳腦後生瘤相片，被形容為「後面有一笪灰色嘢附身」。全民造相，可見其人陰騭事幹得太多，樹敵多到數唔清。被傳附身，好嘅唔靈醜嘅靈，時運肯定濕滯。有冇運轉？有嘅，每日朝將軍澳方向，仆七次街、跳七次海贖罪，子孫或許有得救。
鄭虐驊。自從倫敦借跛手着草失敗被調配國家首都之後，面相嚴重扭曲，毛夫人輪廓浮現。鄭司長未必有四人幫咁出名，但甘心做主席身邊一條狗的嘴臉，會加快朝四人幫下場進發。擅自搬離官邸，可能有逃過一劫的助力，不防再搬遠些，搬去武漢，負負得正。武漢樓，抵呀。（叫老公買埋隔籬單位僭建地牢食餃子）
林奠。助攻成績彪炳，從蔡英文到特朗普，但凡習帝唔妥者，都會成功連任，林奠流年大吉，不過鼠年極有機會失去身邊吉祥物，就係前線以手足相稱的大叔波波。暴動罪十碌八碌，唔拍掌激嬲習帝，坐幾年呢吓？