敖嘉年效力無綫21年，曾是TVB親生仔的他，昨日在微博宣佈離開無綫，《蘋果》致電敖嘉年問到離巢，他說：「係呀，之前應承要拍嘅全部搞掂晒，公司想我4月再開，但4月我有個舞台劇，黃百鳴先生投資，講周璇，撞咗期，所以我拍唔到想停一停先，今年可能會專注喺舞台劇，同埋會內地巡演，所以時間會叠住咗。我由《城市追擊》入嚟，一個小子寂寂無聞，到今時今日有少少人認識，都係TVB栽培我。」
武漢肺炎疫情嚴重，可擔心4月舞台劇及內地巡演受影響？敖嘉年說：「4月我喺香港做咗先，之後再決定，好多嘢我哋都控制唔到，安全第一。其實千百年嚟都係，呢啲黃梅天最多病菌，感冒各樣嘢，呢啲係高峯期，只不過今次新型肺炎肆虐，時也命也，冇辦法。」
採訪：魯吉