前DJ兼人民力量副主席47歲譚得志（快必）前晚現身觀塘和你宵，向市民大派揮春，可是到昨日凌晨2時他的fb專頁發文指，快必在大埔區被警方上門拘捕，指他涉嫌「煽動他人參加未經許可遊行」，不少網民留言大罵警方故意在年初一拘捕快必，好友袁彌明轉貼後說：「疫症人人自危，差佬卻有心力時間拉人。」到昨晚快必fb直播自己離開警署。
「明顯想玩佢」
《蘋果》昨日向警察公共關係科查詢事件，警方表示譚得志懷疑於本月17日晚上在大埔海濱公園露天劇場舉行的一個公眾集會內，公開呼籲和煽惑集會人士，明知違法而參與一個擬於本月19日在港島區舉行的未批准遊行，而該遊行申請已被警方反對。《蘋果》向快必拍檔人民力量立法會議員陳志全（慢必）查詢事件，慢必斥警方於大年初一以此罪名將快必拘捕：「好明顯係想玩佢，要佢喺差館過年！」他指事件由黃國桐律師跟進。
王宗堯嬲爆
同樣曾被警方拘捕的王宗堯昨日接受《蘋果》電話訪問時嬲爆說：「係呢個大家人心惶惶嘅時候，仲要係大年初一，政府不斷做一啲與民為敵嘅事，真係唔好逼我新正頭講粗口。」
阮民安大前日在沙田開騷，快必也有撐場，阮民安昨日回應：「收到呢個消息真係好嬲！如果香港仲有法治，快必就一定冇事，踢保踢保，踢佢老母！佢教咗人咁多次，今次輪到佢自己，衷心希望佢可以平安踢保同埋記得喺入面咳兩聲呀兄弟！」
採訪：比華利