藝人要爭取曝光令人氣急升，以增加工作賺多啲錢，不過人怕出名豬怕肥，藝人最怕畀人叫偽人，只係呢行實在有好多係雙面人。好似歌手「飛機仔」，成日更新facebook呃like，過往就曾俾人踢爆過成日為買演唱會飛，同人有錢銀轇轕，佢嘅負面新聞全部都同錢有關，佢處理錢銀，睇嚟真係好有問題。
Jessie身邊有幾個朋友都曾經同聲大呻俾飛機仔拖數，話說有位朋友早年見飛機仔財困，因為心軟借錢畀佢，結果幾萬蚊就一借無回頭，每次追飛機仔還錢，佢總係有無數個理由拖數，搞到債主都唔好意思再追落去。飛機仔賺錢方式有好多唔同門路，佢會幫朋友做代購，當然又係先使未來錢，收錢後遲遲唔交貨，每次俾人追貨嗰陣，又好厚臉皮無了期咁拖延，以佢嘅使錢方法，睇怕都會好快爆煲，到時人格又一次清袋。
撰文：Jessie
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。