連詩雅、鄭融、黎紀君、梁諾妍、鍾浠文及邢慧敏獲老闆鄒世龍宴請食開年飯，面對眼前刺身、鮑魚及花膠雞鍋等美食，眾美女要先分為兩組來個「新春版文字接龍」遊戲比賽，才決定誰先大快朵頤。賽前連詩雅誓言要勝出食到眼前海膽刺身，頭兩回合各取一分，進入決賽回合「賀年食品」，輪到鄭融接龍時，她笑指想起一盆盆糕點，整個腦都塞滿，但也成功過關，接住的連詩雅即口窒窒越背越亂，最終負方連詩雅、黎紀君與鍾浠文扁扁嘴看着勝方享用刺身嘆雞鍋。
屬鼠的鄭融見到周圍都是鼠年擺設，份外有親切感，談到今年會否嫁人，她說：「我都冇諗過有一段咁長嘅關係，中間一定有經歷難關，下一步都有呢個打算，但唔會係鼠年，有好消息再同大家講。」今年是連詩雅入行十周年，她希望在工作上可以紀念一下，例如錄一首歌紀念、推出相集等，當然最希望舉行十周年音樂會，甚至跟一班支持了十年的fans們聚會慶祝。
梁諾妍甜談同居
今年內跟男友洪永城同居的梁諾妍甜笑說：「呢個都係好大任務，可能大家都知彼此習慣，好又有，唔好又有，先溝通再去互補不足。」問到今年會否是最後一年𢭃利是，她指一步步來，「今年我哋有另一個目標，就係一齊跑馬拉松，係佢主動講，會先跑半馬。」黎紀君鼠年的挑戰是做好直播主持的工作，她說：「獨腳去主持一個兩小時直播節目係好大學問，我好驚人覺得好悶。」大騷纖腰的鍾浠文表示農曆年要忍口及操腹肌，新年後要接拍大騷身段廣告，更要大騷身形，邢慧敏新年大計是希望參與電影及劇集演出。
採訪：馬建華
攝影：陳俊強