佘詩曼過去一年一直忙於工作，她希望新一年身體健康，遇到好劇本，繼續拍好電影。有甚麼角色想挑戰？阿佘表示：「不論乜角色，我都願意接受，最緊要係劇本好。其實我本身好想做舞台劇，但係我要搵個自己好鍾意嘅劇本先會去嘗試，我好想感受吓現場氣氛，觀眾嘅反應。」
阿佘前年憑《延禧攻略》在內地爆紅，她表示好劇本是可遇不可求，最重要是裝備好自己，希望有更好運氣接到好劇本、好角色。阿佘坦言爆紅後，令她在內地有更好發展：「大家嘅反應令我出乎意料之外。」拍攝《延禧》時是否現場收音事後再配音？她說：「我講廣東話，因為對白太難講，好多文言文，如果普通對答係OK，但要講對白的話，我就唔想影響自己嘅演出，因為始終唔係我嘅母語。𠵱家我都開始用普通話去講對白，希望有一日可以用返自己把聲。」