黃夏蕙每年都在年三十晚，都會到黃大仙祠搶上頭炷香，為迎接鼠年，夏蕙姨昨日一如往年悉心打扮配合生肖造型，裝扮成卡通人物米妮到上址拜神兼為香港祈福，她說：「希望個個都小心啲保持健康，最緊要小心身體。」
封城太遲
夏蕙姨昨午跟契仔楊峰現身黃大仙，而契女艾美琦就因病缺席。夏蕙姨表示今年特別要為香港人祈福，提到武漢肺炎肆虐，夏蕙姨直言對情況感到擔心，當入廟上香人流多的地方時，會全程戴上口罩，她說：「新年都盡量少出街，怕人流太多。」
夏蕙姨又透露有不少親戚朋友身在內地，他們對情況亦同樣感到擔心，尤其是每日都有新增個案，她更稱：「武漢封城都冇辦法，我覺得佢封得遲，如果封早一個禮拜𠵱家就唔會蔓延得咁嚴重，惟有叫啲親戚朋友小心啲唔好出街。」內地政府部門尚且會採取政策，反觀特區政府除拒絕封閉關口外，更只是要求訪港旅客自發申報健康狀況，夏蕙姨直言：「咁樣真係冇乜用。」可會覺得內地政府較特區政府做法還要果斷？夏蕙姨無奈地苦笑稱：「都有少少呀。」因此，夏蕙姨強調更加要為香港人祈福，祝願大家都平安健康。
義派口罩
談到近日香港市面出現口罩搶購潮，部份藥房更坐地起價，價錢更炒貴至10倍，夏蕙姨直言自己都買不到：「周圍都搶緊，我呢幾日出去都買唔到。」同時她又斥責一些藥房趁機加價做法不道德：「呢啲時候應該大家互相幫忙，唔應該趁火打劫，我雖然自己買唔到，但啲契仔契女買到畀我，我跟住就將佢派晒畀有需要嘅人。」
採訪：曹家誠
攝影：仇志德