【本報訊】反修例運動抗爭持續，有住在鄰近警署的市民，認為屋外警民衝突不斷，加上警方經常無故施放催淚彈，令家宅煞氣甚重，甚至影響身心健康。故欲知道在鼠年，社會運動將何去何從，屋內煞氣又應如何化解。
床下放黃銅片令屋主安穩
玄學家Calista指出，鼠年為庚子年，庚為堅固的金、子為具流動性的水。從卦象上看，金代表硬頸、堅持己見的政府，水則為注重溝通表達的市民，而兩者存在一定的距離，未有融洽相處的空間。而抗爭者或掌權者，需要見到有母性慈悲的心，透過聆聽，放下仇恨，才有溝通空間，「不過呢樣嘢唔會係好快可以做到嘅事，大家都需要開多啲門窗，政黨亦需要多啲輔助，先會有助打開新局面」。
社會局勢暫時處於膠着狀態，但不代表市民無計可施。Calista教路，市民可透過擺放不同器具，以減低個人負能量及消減屋內負面「氣場」，「今年東位同南位都屬於大病位同小病位，如果嗰啲地方咁啱係對正廚房、大門或者床，都會有唔同程度影響；可能會令你壓力好大，瞓得唔好，或者周身唔舒服」。她指若在床下或大門地毯底放黃銅片，可令屋主感覺較安穩，並減低較差的氣場；而銅製葫蘆及生曬乾葫蘆，亦同有此效。
「住近警署、醫院、消防局等地方，好多人會覺得仇恨或負面情緒比較多，煞氣重。燃燒靈性植物淨化家居，都係另一方法。」Calista指出，白鼠尾草為北美洲一種靈性植物，燃燒後可以清除個人負面情緒、環境氣場，以及負能量，「燒白鼠尾草通常都係成紮打八字燒，等佢自然熄滅，唔好自己潑熄。如果氣場唔係幾好，燒出嚟嘅煙會係黑色，咁市民都冇需要擔心，只要重複做，令佢燒嘅煙轉白即可」。
另外，出產自西藏除障草、來自中國南方的艾草，以及柏木精油，亦同樣具有淨化空間能量、排解情緒的能力，「以艾草為例，混合檀香燃燒，可為屋主帶來財富，而放喺廁所、潮濕嘅位置，更特別收效」。