擁36E「細龍太」陳偉琪被本報獨家踢爆日前在灣仔與外籍西裝男拖手互錫，涉酒駕後的她，亦打破自己的「禁酒令」在酒吧飲酒，昨日她到將軍澳出席活動時，被問激咀一事，她承認與外籍男認識中：「希望大家可以畀少少空間我哋認識，我驚報道後人哋嚇窒咗，唔敢再追求我。」她解釋當晚只是叫了一杯酒精份量很少的蘋果梳打與外籍男一起分享：「我只係飲咗幾啖，所以完全冇嘢，我又冇揸車，所以冇嘢嘅，啜一啜啫唔好咁嚴謹。」
陳偉琪之前有位拍拖三年的健身教練兼老闆男友Billy Tam，她稱跟對方早已分手：「其實我哋散咗好耐，不過冇大肆公告，因為呢啲又唔係光彩、或者好開心嘅事，所以我都冇同大家講。」
撰文：王連連