剛喺意甲祖雲達斯對帕爾馬梅開二度，助球隊贏帕爾馬2:1嘅基斯坦奴朗拿度（C朗），令呢位葡萄牙球星喺歇冬重開嘅3輪意甲比賽取得6球進賬，心情大好嘅佢，即喺ig上載一張黑白半裸硬照，仲好似模特兒一樣擺好「甫士」，展示佢六塊腹肌，仲留言話正在「叉電」中。至於佢ig仲有不少留言，有人大讚佢係「GOAT（Greatest of All Time）」，亦有人以「怪獸」嚟形容呢位34歲仍保持弗爆狀態嘅前鋒。另外，有指C朗最近用咗720萬歐元喺祖國里斯本買咗一棟超過2,500平方呎嘅豪宅，呢間豪宅賣點係擁有360度全方位嘅景觀。