習近平到緬甸訪問，與昔年有民主女神之稱嘅昂山素姬相談甚歡，中緬兩國簽署聯合聲明，政治上深化兩國全面戰略合作夥伴關係，打造中緬命運共同體。緬甸重申堅定奉行一國政策，支持中國對台藏疆舉措；經濟方面，加強一帶一路共建，推動中緬經濟走廊；文化方面，確定2020年為「中緬文化旅遊年」。
1月18日本欄講「中國財神」，財神又發揮作用嘞。中國有的是錢，有錢易辦事，以利誘之，緬甸見錢開眼，昂山素姬當然展開雙臂歡迎習近平，民主女神早已跌落凡間，身上染滿市儈氣味，放棄了追求自由民主平等原則，改為奉行實利緬甸優先主義，既然無總統之名（叫做緬甸國務資政），有總統之實，政權在握，一面面對緬甸人民民生訴求，一面要槍桿子背後支持，昂山素姬不惜驅逐羅興亞人。軍方屠殺之，佢眯埋雙眼，睇唔到，聽唔見，任由西方自由派知識份子斥罵（呢班人昔日捧佢上天，令佢得到諾貝爾和平獎）。總之今日昂山素姬已經徹底拋棄理想主義，要追回以往失去了的時間，願與任何國家講錢不講心，最大目的是為了不惜一切，建設緬甸。
如此政權，最得習近平歡心，幫緬甸建設互聯互通骨架網絡，中國有巨大得益，首先在緬甸西部臨海（印度洋）建設經濟特區皎漂港（Kyaukpyu）。有此港口，中國從中東買油，油輪可在皎漂港卸貨，原油再經陸地輸油管橫過緬甸直通重慶、廣西。輸油管道當然係艱巨工程，中國多年來已努力疏通緬甸，游說不遺餘力，就是希望海港及油管工程能夠成功興建，到時美國透過新加坡控制馬六甲海峽，就廢了武功，中國可以省回大量運油費用及不受美國戰艦威脅。
中國在東南亞大灑金錢，漸有收穫，新加坡一個智庫組織在1月16日發表「2020東南亞狀況調查」報告，指10個東盟國家中，7個國家的專業人士比較支持中國，如要在中美間選擇，一面倒支持美國嘅，有越南菲律賓，較支持美國嘅有新加坡，一半半有泰國、印尼，倒向中國嘅有柬埔寨、馬來西亞、緬甸、汶萊、老撾。於此可見，中國在東南亞之懷柔及銀彈政策在東南亞日漸生效，一來因為美國不理會，二來美國沒有銀彈，得個講字。現實世界就是空口講民主自由，撈實利就係講銀紙，林鄭以為派糖起居屋就可以搞定香港年輕人，其背後道理就是以為金錢萬能。