胡渭康和可嵐前晚到銅鑼灣出席晚宴，可嵐指兒子至今仍掛念胡渭康，原來去年團拜時見過面，胡渭康笑問：「我係小朋友，所以我同小朋友玩得咁開心，不過玩多一日，我一定投降。」可嵐坦言兒子更聽胡渭康的說話，令她做媽媽也自愧不如。但講到生小朋友，胡渭康即耍手擰頭：「整小朋友出嚟係好容易，只係8至10分鐘嘅事，但要照顧到佢大學畢業，嗰二十幾年係好難過，要全心全意，我未必有呢個耐性。」
近期武漢新型肺炎大爆發，可嵐透露農曆新年與兒子到廣東新會探外公外婆，她表示會做好預防措施。胡渭康則說：「避得幾多，做得娛樂圈去嘅地方一定係人多，自求多福啦。」
採訪：黃曉妍
攝影：陳慧安