後日鼠年大年初一，大家都期待香港有個新景象，黃夏蕙日前誠心在廟中為港人求籤，她參拜後，合十上香，求得七十六「孔子樂道」靈籤，籤文寫上：「人能樂道自修身，疏水曲肱豈厭貧，不義而富且貴者，我心都作是浮雲。」
相士解籤說：「你呢支係中平籤，為港人而求，以目前香港環境係幾貼切。孔子樂道喻人安貧樂道 ，唔好有非份之想，咁就會開心快樂啲，有啲嘢唔係你應得，就不要去強求。有時追求嘅嘢都可能好虛幻，香港人要踏實生活， 前程就會好好，孔子有中庸之道，樂道就指守儒教中庸之道，做嘢唔好太過，樣樣合乎中庸之道，香港嘅前途，到春天發展就會變好同和諧。」相士勸喻肖雞的夏蕙BB在鼠年要注意健康，小心飲食，最好佩戴龍的飾物。