送豬迎鼠，明天便是年三十晚，87歲的黃夏蕙將會出動往上頭炷香兼祈福，這個習慣每年風雨不改。夏蕙BB變身米妮應節，造型活潑，為她減齡，不少途人都要求集郵。夏蕙BB為港人求得好籤，她同時寄語大家：「人人振作，唔好嘅過去，新一年要重新開始，一齊重振香港，我哋個家，香港安定繁榮，大家有飯食，個個人都出入平安。」
黃夏蕙為迎接鼠年，87歲的她精心cosplay米妮到黃大仙祠上香祈福，她穿上米妮裙子，戴了大蝴蝶頭箍，活力充沛，馬上減齡。夏蕙BB再送驚喜，突然從大膠袋拿出A貨米奇頭套，變成鼠年吉祥物，並大跳開心舞賀歲，果然夠鬼馬，大放笑彈，為大家帶來無限歡樂和正能量。夏蕙BB的造型更吸引途人集郵，其中有一名小男生見到她即走上前緊緊攬着她說：「你好靚呀！」逗得她笑不攏嘴。
齊重振香港
夏蕙BB表示身上造型由契女艾美琦（Amy）網上代訂購，她頸上還掛了一個玉葫蘆，得戚地說：「梗係喇，我唔係窮老鼠。」夏蕙BB入廟前先往排檔買香燭和葫蘆：「葫蘆最好呀，既收是非，又保平安。」並誠心跪拜，為港人求得七十六中平籤「孔子樂道」。
齊重振香港
問夏蕙BB的鼠年願望？她說：「好多願望呀，但我會代表香港人講，好想世界和平，大家有飯食，安居樂業，個個人都出入平安，身體健康，香港人，人人振作，唔好嘅過去，新一年要重新開始，一齊重振香港，我哋個家，香港安定繁榮，每個人安份守己做自己應做嘅嘢。」對於早前有報道指她擔心肺炎肆虐，明晚不去上頭炷香，她否認：「呢個係我同黃大仙每年之約，唔會唔嚟呀。」
夏蕙BB表示過去跟鳳凰女、鄧碧雲、新馬師曾（祥哥）和前助理警務處處長夫人司徒關佩英四人，是黃大仙上頭炷香「鐵腳」，「不過先係有一年，因為司徒關佩英覺得發生咗好多事，佢冇同我去拜，翌年佢就自殺咗。鄧碧雲有年話身體唔好都冇嚟，跟住嗰年又走咗，鳳凰女因為去咗美國出席唔到，接住一年走咗，祥哥祥嫂有一年年三十晚忽然話要跟我去上頭炷香，祥哥第二年冇去就發生事走咗，四人都走晒，𠵱家走剩我呢個『種』，我有信心黃大仙畀福我哋，畀到世界和平，香港人安定繁榮。」
澳門度新歲
夏蕙BB今年會在澳門度新歲，及出席她旗下慈善機構在當地的活動。
採訪：比華利
攝影：陳俊強