黃子華自編自導自演的賀歲電影《乜代宗師》將於明日上映，多得黃子華所賜，兩位女角劉心悠和周家怡在片中以嶄新形象示人，外表柔弱的劉心悠在戲中演好打得的女拳手，相反外表較男仔頭的周家怡，卻是柔情似水的淑女，二人拍攝該片均得到不一樣的經歷。
劉心悠在新片中要飾演女拳手，經歷半年時間的拳擊訓練，日前她與同片的周家怡在尖沙嘴接受《蘋果》訪問，心悠說：「我接觸呢套戲之前，我對拳擊嘅認識係零，導演要畀時間我去成長去訓練，周身瘀都係小事，最難係訓練時要發出野獸嘅聲音，大聲嗌會令喉嚨好痛，好彩冇失聲。」
打到除唔到Bra
不過，最令心悠大叫辛苦，竟然是除bra一刻，她笑謂︰「最辛苦返到屋企除sports bra時，除到一半就撠住個頭，呢刻除定唔除好呢？不如唔沖涼，坐喺床休息一陣先再除。」至於周家怡雖然不用打，但今次角色有別過往，她說︰「我未做過呢啲角色，真係好唔同。」為何導演黃子華將二人角色與性格對調？心悠和周家怡異口同聲說︰「其實我哋都好想知，不過都幾好玩。」心悠更說︰「對於一個演員係一件好過癮嘅事，唔係做你自己。」問到二人今次跟子華合作，有否發現對方優點？心悠笑謂︰「佢係一個好冷靜嘅人，畀到女仔安全感，係佢最大優點。」周家怡則謂︰「佢係一個好識照顧人嘅人，係個好好嘅男人同男神，又聰明又叻。」
唔知賣樓拍戲
早前黃子華透露今次是賣樓拍戲，心悠原來事前不知情，她說︰「我聽到覺得so sweet，我好珍惜同佢、同劇組相處嘅日子，大家好難得一齊去做一件事，我好感動。」而周家怡事前略知一二，她說︰「呢個導演真係好好，佢就算隻手骨裂，腫晒都唔去睇醫生，因為所有嘢一停會好麻煩，所以佢隻手腫晒都照拍。睇到佢係為咗部戲奉獻好多，多謝子華畀呢個機會我。」
農曆新年快到，二人會否去求姻緣？心悠透露每年劉媽媽會為她求姻緣。不過在旁的周家怡笑謂︰「你同你媽媽講，咁多年喇，即係唔work啦！」心悠坦言過去一年感到好豐富，她說︰「完成咗我人生check list中幾個，如北極跑馬拉松、去非洲、又練成拳手，2019年都心想事成。」
周家怡宣佈有新動向，她說︰「希望嚟緊拍多啲戲，望有多啲發展，世界𠵱家好似癲咗，又有火災，望回復平靜，唔好再有火災天災，我更希望啲人要覺醒就覺醒。」
撰文︰羅如文
攝影︰沈健程