現年29歲的「抗癌歌手」李明蔚（Sarena）對抗癌魔整整7年，雖然病情反覆，現階段還未有百分百的治癒可能，但Sarena這個勇敢女孩依然堅持着，繼續追尋自己的歌手夢：「一路都冇想過放棄，因為一路都想康復。」
撰文：嵐山
攝影：沈健程
李明蔚曾經是一位歌手，有隊組合叫「小龍鳳」，兩年前推出過個人單曲碟《交換愛情》，她說：「因為我喺2012年患上癌症，到𠵱家7年都未好番，唔相信患病係事實，覺得係咪假㗎？」22歲被確診患上罕見的鼻咽腺樣囊性癌，到現在已經醫了7、8年，因為這個病，她被迫放棄最愛的歌唱事業。
爸爸全天候照顧
Sarena多年來病情反覆，身體各處如肺部、肝臟、骨頭等出現不同大小腫瘤，兩年前因為流鼻血嚴重，搶救時醫護人員為她用喉管吸血，怎料情況更糟，最後要在喉嚨開一個造口幫助呼吸，導致聲帶受損。 她現在每講一粒字都很吃力，但仍然沒有想過放棄治療：「我小學時已經很喜歡唱歌，會模仿歌手唱歌……一路都冇想過放棄，因為一路都想康復。」她是家中獨女，自幼萬千寵愛，由於樣子甜美，求學時已經做兼職模特兒，訪問當日一直在她身旁的爸爸笑說：「我唔係好支持㗎咋，當時佢唔畀我知，後來見佢幫本雜誌拍廣告，又唔知點解去咗唱歌，或者受我薰陶啦，我曾經開過琴行，佢都識少少彈琴同結他，但唔擅長。」
李爸爸為方便照顧女兒，決定由太太主外，自己主內，全天候陪伴Sarena。現在父女關係更親密，李爸爸更成為女兒的「代言人」：「一定更關心，每日對佢不離不棄，冇辦法，個女係自己嘅。佢細個時好少同佢傾偈，有距離，因為我要返工，佢去讀書，以前好少理佢，成日都話佢自己搞掂就好，點知突然有呢個病，冇辦法。」他知道女兒還有很多事想做，望一望Sarena後說：「有呢個病，爸爸唔畀你做。」Sarena說：「其實我最想可以再唱歌或拍戲，好想做呢啲，但係好辛苦，都係做唔到。」
Sarena在20歲時組成兩男一女組合「小龍鳳」，唱了一首歌，當年李爸爸希望女兒可以繼續讀書，送她到加拿大升學，怎料去了幾個月便開始流鼻血，李爸爸說：「初初以為乾燥，但佢流咗兩日都冇停，喺加拿大睇專科，檢查後發現有啲小腫瘤喺體內，於是返香港再做檢查，發現鼻咽內有腫瘤，但又唔係鼻咽癌，鼻咽癌反而有得醫，但佢係另一種病，冇癌指數，只驗出體內有好多腫瘤。」
對愛情無怨無恨
這幾年，Sarena多得馬浚偉出錢出力助她圓夢，出碟、出書兼做舞台劇幕後助理，並發動組織幫她推廣其手作，她直言無言感激。患病後，她有過兩段戀情，可惜都是由男方提出分手，她曾經傷心，但無怨無恨。問她現在還想追求愛情嗎？她搖搖頭，李爸爸代說：「𠵱家冇，好攰，佢身體唔好，點追求呢？除非真係有神蹟令佢康復。」