處理銀行事務，排隊到我前面的一名老婦，我提醒她去櫃位，她不去──原來非要等到熟悉的職員才打簿，所以讓我先行。婆婆執着，老人家只挑她「信任」的人，尤其關於錢銀。櫃位職員體諒一笑，看來已是常情。
但我在辦理時，忽聽得婆婆在喊：「冇理由！冇理由！」語氣恐慌，手足無措。因為她對面的職員告知：「婆婆，你個戶口得番50蚊咋，攞唔到錢。」
「兩個簿仔都係？」她再打簿，另一也已淘空：「點解會冇晒啲錢㗎？點解？」
職員細心安慰，幫她找出原因，問聯名戶口的男子是誰？分別是她兩個兒子──當職員問那兩個名字時，婆婆說：「我個仔吖嘛，我唔記得叫乜名嘞……」
「你再想一想。」職員作出誘導：同音啦、顏色啦，終於對清楚名字，婆婆已七、八十歲，很快連自己是誰都忘了。大家心知肚明，兩個不肖子賤男，把老媽戶口中的棺材本，逐些逐些轉走，聯名戶口任何一人簽名都可以。婆婆說回去問清楚。
後來在門口見她一人落寞，我道：「婆婆，我想請你飲茶。」塞她一點錢──她堅拒：「我有錢呀，我返去問吓係咪嗰時病咗轉晒畀佢哋都未定……」
她拄杖離去。十月懷胎眠乾睡濕撫育成長，母親都護短……