近年娛圈已經唔興選美、做𡃁模入行，反而多咗一批素人以文青、模特兒身份做藝人，好似「小花」就用呢類身份入行，唔使幾耐就簽到大碼頭「王國」，不過佢入行幾年同佢合作嘅單位，已經覺得小花有晒做「偽人」特質，又假又港女。小花平時好進取，見到老闆在場，就算有其他紅過佢嘅前輩，小花都會主動出擊去蹺實老闆，令唔少人譁然。
見到老闆好面口當然係生存之道，但小花對住工作人員同傳媒就好港女，有工作人員見過小花有次着高踭鞋去活動，當時要助手扶住行，有個記者就講笑「你唔識行？」零幽默感嘅小花即黑面，做訪問時都唔太合作。仲有一次，小花去電台宣傳新歌，做完訪問返嚟發現唔見咗手機，即刻好緊張，原來佢助手好窩心幫佢睇住，不過小花一句唔該都冇，仲向助手翻白眼，令到在場記者睇到都覺得尷尬。又試過同記者做訪問，大家討論佢嘅新歌作品，佢唔多想聽意見，令到唔少記者都暗暗地列佢為麻煩人物。
撰文：Jessie
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。