寶珮如（Baby）、林建明（大姐明）與袁潔儀昨日一同於灣仔為一間私房菜主持開幕禮，Baby指今次是為一位uncle而必需要撐場，她說：「喺18年，呢位uncle叫我幫佢一間餐廳剪綵，我即刻提名最佳女配角，好旺我，佢話要開私房菜，我叫佢今次都一定要搵我，希望今次可以提名最佳女主角。」Baby透露最近為電影《世上只有爸爸好》宣傳，並出席各地的電影節，電影剛在北京攞獎，他們即將到上海參與影展，希望帶來好兆頭。
電影講述捐贈器官，問到Baby拍攝時是否要不停哭？她說：「場場都要喊，喊到生咗三次眼瘡，因為啲化妝塞住咗，我仲問大姐明介紹醫生，一年割咗三次，不過都好值得。」而大姐明爆Baby識飲識食：「Baby係我米飯班主，佢日日約我，唔使擔心冇飯開，不過新年真係忙到嘔，嚟緊會去一個熱嘅地方旅行。」
採訪：羅慧敏
攝影：陳慧安