【本報訊】邱家五姊弟過去三年不斷追問醫管局，為的是想找出真相，他們無法接受突然痛失摯愛的父親。原本是撐起家庭的「鐵漢子」爸爸，明明專注照顧末期肺癌媽媽，曾跟她說「我陪你行多50年」，料不到因氣促到醫院求診，卻從此與家人陰陽相隔，竟比患癌的媽媽更早去世。一家人仍惦記爸爸，堅持尋找真相，走出傷痛。
只有真相係可以慰藉家人，真相係對家屬最好嘅良藥。
死者邱名伴有五名子女，他們在死因聆訊中說過：「我哋悲傷，但我哋冇怨恨。只有真相係可以慰藉家人，真相係對家屬最好嘅良藥。」長女形容爸爸雖不多言，但很重情義，亦能凝聚一家團結，不分彼此，關係融洽。三女憶述，爸爸退休前在尖沙嘴天文台道經營上海餐館，十多年前退休。直至2013年，媽媽罹患肺腺癌四期，當時一家晴天霹靂，但爸爸猶如領袖般帶領一家，「叫我哋唔使驚，爸爸喺度睇住」，並扛起照顧媽媽的重任與各樣壓力，洗衫煮飯一手包辦，無微不至，「佢唔想仔女擔心，一個撐起整頭家，佢喺度，我哋就好放心」。
鐵漢爸爸亦有柔情一面，當他知道媽媽患癌時，他說：「唔使驚啦，我陪你行多50年。」兩老感情好，互相扶持。
但2016年，爸爸突然去世，是家中第一位去世的家人。三女形容，爸爸的離開令一家陷入巨變，「爸爸死得不明不白，媽媽又肺癌四期」，家人經常以淚洗面。那年後，家中更接二連三有家庭成員離開，「好痛心，2016是很淒涼嘅一年，係我哋屋企嘅谷底」。
爸爸一走，患癌的媽媽亦因失去伴侶及精神支柱而極度傷心，三個月內暴瘦，甚至癌症擴散上腦。大女說爸爸除了患有哮喘，一向身體強壯，「個個諗住係媽咪走先，冇諗過係爸爸突然會走咗」。媽媽去年2月癌病離世。
父親堅強獨立，雖然患哮喘要覆診，卻從來不要求家人陪伴。大女還記得出事前數月，有次夥妹妹到醫院接爸爸，卻在醫院被爸爸破口大罵，「佢鬧到啲人以為我爭佢錢咁」，三妹補充：「佢知自己擔得起，想我哋將專注力放喺媽媽身上，唔想麻煩到人。」
一家人從沒想過，父親最後入院竟不能出院，「喺醫院點會死箒？點會諗過佢出唔返嚟。根本就接受唔到」，說到此處，三妹顯得激動。
過去幾天聆訊多次在家屬席上泣不成聲的孻女，坦言「咁多年嚟我哋都冇放低過」，她稱作為一個小市民，生病入醫院很平常，並期望接受治療，但入院後竟突然死亡，絕對無法接受。
長女還記得，爸爸死前幾天仍致電問她股票價位，事前並無異樣，閒話家常。次女則稱，從醫院取回爸爸遺物時，發現「佢執咗糖果、水樽仔入醫院，呢啲係佢每日去散步嘅裝束；我哋好相信，佢冇諗過自己會死」。她說爸爸是一家的傾訴對象，「有唔開心嘅事，想搵爸爸傾，先諗起原來爸爸已經走咗」。
事發至今，家屬仍未能釋懷，希望死因庭還爸爸公道，「只有真相係可以慰藉家人，真相係對家屬最好嘅良藥」。但他們強調「我哋悲傷，但我哋冇怨恨」，不約而同說：「老竇教落，要團結。」向天上的爸爸承諾家人會一直團結，並想對他說：「你嘅靈魂仍在，我哋會永遠記住你。」
■記者袁楚楚