鍾嘉欣昨日到尖沙嘴出席商場活動，專程為活動返港兩天的她，坦言每次有機會返港都會很珍惜：「可以同朋友見面，我又可以趁機唞吓，思想上又有少少衝擊。」她表示將會回溫哥華度歲，屬鼠的鍾嘉欣表示特別期待鼠年來臨，答應工作團隊今年會更勤力，但又笑謂沒有計劃減少投放予家庭的時間：「係咪好矛盾呢？我結咗婚四年，已經生咗兩個小朋友，都係時候勤力啲。」
鍾嘉欣指老公很支持她繼續演藝事業：「佢知道happy wife happy life，所以佢話我哋努力make it happen。」鍾嘉欣慶幸自己有兩個小朋友，大女與弟弟相親相愛，加上大女已三歲，明白媽媽需要工作。問她會否因此考慮多拍劇或電影？鍾嘉欣笑說：「小朋友OK㗎，反而係我唔捨得佢哋，唔想離開佢哋太耐，所以都會抽多啲時間畀佢哋。」
採訪：盧妹
攝影：仇志德