【本報訊】在反送中運動期間不時批評港府表現的自由黨榮譽主席田北俊，接受《港股策略王》時突然披露正與特首林鄭月娥的特首選舉對手、前財政司司長曾俊華等考慮為香港「出嚟做啲嘢」，在幕後策劃、出錢出力支持其他人參選今年的立法會選舉，料最快今年五、六月會有決定，圖令一國兩制重回正軌，也令港人對立法會重拾信心。
田北俊在訪問中提到，近日與商界討論到一國兩制問題時，他覺得一國兩制自梁振英上場後已走樣變形，譬如參選要簽署確認書，但又未至於「哽唔落」。
田北俊指，去年開始的反送中運動，令他與曾俊華及幾位昔日自由黨領導層，包括周梁淑怡和劉健儀都感到擔心：「我哋雖然退咗休，但香港舊年發生嘅事情，令到我、周梁淑怡、劉健儀、曾俊華我哋呢班退咗休，亦都好擔心香港，我哋係唔係未來立法會嘅選舉因為咁擔心要出嚟做啲嘢，我哋係考慮緊，我哋呢個年紀，唔應該再喺前線，但我哋絕對有能力喺幕後策劃，出錢出力，我哋係有能力做啲嘢。」
冀令兩制回正軌
田北俊形容自己「唔係你吹雞我就歸隊」的建制派，但他們也是想社會和諧，想一國兩制重回正軌，令香港人對議會有信心。他未有明言會組成新政黨，同時又表示不排除組黨，只是指一切都要待5、6月，本屆立法會將完結前才會作最後決定。
■記者呂浩然