毛舜筠及張繼聰日前為主演的賀歲片《肥龍過江》在旺角接受訪問，二人異口同聲表示，事前確定沒有動作戲才敢接拍。毛姐解釋30年前的確想過走武打路線，她指1991年拍電影《龍的傳人》時跟李海生學詠春，自以為有潛質，她說：「武指元奎叫我踢一腳嚟睇吓，我踢完佢即刻大叫畀隻假腳嚟，我個心真係好傷。」當年另一場戲，周星馳問她能否對打黐手10下，毛姐說：「我其實已經練咗，我問星仔可唔可以分開逐下拍，佢話10下箒，我打咗1下就要停，我真係想死，成個過程將我想成為功夫演員嘅諗法打殘咗。」
張繼聰在片中要坐直升機營救甄子丹，他說：「我冇機會揸直升機，只係身邊女演員揸，自己要做一個驚到要死嘅反應。」問到會否挑戰拍動作戲，張繼聰說：「我由拉筋開始，相信要拉40年。」
採訪、攝影：張明
場地提供：富薈旺角酒店