「本來只係見得四格階磚，𠵱家有成條路行出行入幾好呀！」長者家訪義工阿鈴於農曆新年前帶同四名年輕義工，為獨居長者崔婆婆大掃除，約300方呎公屋單位堆滿雜物，僅三小時就清出五大袋垃圾。義工們既要抹窗，又要執屋，笑言：「自己間屋都唔執，走去幫人執屋。」希望清潔行動能令獨居長者感受到社會關懷，開懷迎接新一年。
「要做佢個女咁聆聽」
91歲崔婆婆獨居順利邨，阿鈴兩年前經社福機構轉介，每月探訪她一次。72歲的阿鈴退休後當義工，稱應對長者要有技巧，「要做佢個女咁聽吓佢講咩」。崔婆婆有儲物問題，「間屋多嘢除咗有火燭危機，最常見係會容易撠親」，社工朱姑娘指崔婆婆上周才在家跌倒受傷。四名女義工入屋後，熟練戴上手套和口罩，分工收拾，崔婆婆不斷聽她們你一言我一語：「啲藥過晒期啦，唔好要喇！」「又有衣架？邊用得晒呀。」崔婆婆笑着解釋是誰送的禮物，氣氛融洽。
她們發現崔婆婆有四個燙斗、三個電飯煲、九支晾衣叉、五把全新菜刀，連椅子也有13張，但因堆滿雜物，僅一張椅子可坐人，「原來有咁多凳㗎，次次嚟都冇得坐嘅！」阿鈴和義工都哄笑着。
除了收拾物品和協助分類必需品，義工們也要有技巧地令崔婆婆丟棄雜物，例如懇求她「送畀」義工、「捐贈」到社福機構，甚至指雜物上有「曱甴屎」，崔婆婆不捨得而又棄穿多年的鞋子，都不再留戀了，最後清出多袋垃圾，本來鋪滿雜物的地磚，終重見天日。
「我哋唔能夠好似其他義工咁每星期嚟探佢哋，咁一年一次幫手大掃除，開心吓、沖喜吓」。義工Mandy第五年幫獨居長者過年前洗邋遢，知道長輩傳統渴望大掃除迎接新年，故盡綿力幫忙，「婆婆又開心，我哋又當減吓肥啦」。