祖雲達斯同AC米蘭喺冇基斯坦奴朗拿度（C朗）同伊巴謙莫域嘅情況下，喺意盃分別淘汰烏甸尼斯同史帕爾躋身八強。祖記今仗冇C朗下改踢4-3-3陣式，而戴起隊長臂章嘅保羅戴巴拿就射入2球兼交出1次助攻，助球隊大炒烏甸尼斯4:0。至於米蘭嘅老將前鋒伊巴就全程坐喺後備席，仍憑住比亞迪克、森姆卡斯迪利祖同埋迪奧靴南迪斯嘅入球，大炒史帕爾三蛋。