【本報訊】鼠年將至，各大商場卻未見大「紅」，更有放棄擺放桃花應節之勢。桃花花農透露，不少商場客戶採「大換細，細不擺」策略，至少流失三成客源。有協助商場營銷的資深業內人士更大爆，真桃換膠桃已成常態，自火燒又一城聖誕樹後，有商場管理層更命人在桃花上噴灑防火劑，「有冇效就唔知啦」。
遍地開花的全民抗爭，今年扭轉本港「節日商品化」大勢。距下周六（25日）正月初一不足十天，綜觀港九新界多個和你Shop的商場均低調迎新春，曾發生火燒聖誕樹的又一城商場今日重開，但場內設施仍修復中，暫未知會否擺放桃花。有負責該商場推廣的人士指「我哋最主要準備緊Re-opening，新年安排稍後再公佈，我都唔肯定，呢個等佢哋（管理層）再傾傾」。
花農：生意至少跌三成
資深業內人士大爆，鑑於又一城商場去年火燒聖誕樹，有集團決定於旗下商場的新年裝飾上，噴灑防火油漆，包括真假桃花，又縮減佈置規模，「啲人問我邊度有桃花，你睇吓邊個商場仲有廿呎桃花啊，我未聽過啦今年」。
至於曾發生多次警民衝突的新鴻基旗下沙田新城市廣場，今年商場中庭用燈帶砌成「櫻花」平面圖案。九龍灣德福廣場今年照擺多棵膠桃花。
元朗財利農場、桃花花農馮正承認，今年生意至少跌三成，以飲食業、商場客戶首當其衝。他理解商戶今年減少佈置，「當你嗰幾日行出去係點，差佬會唔會臨時又封路，索性喺屋企過年好過啦」。
■記者鄧溢禧