【面試攻略】
【本報訊】升中「自行分配學位」今日截止申請報名，意味踏入面試高𥧌期，多間直資中學亦相繼進入第二輪面試。不少家長總認為升中面試取錄準則以學術成績主導，但學校正正是透過面試揀選真正全人發展的學生，而不單以成績論斷能力。有小學校長教路，面試無可避免會有時事問題，學生可以道明立場，但必須中肯及多角度，凸顯獨立思考。
記者：羅惠儀
北角衞理小學副校長黃鳳屏指，綜觀舊生經驗，升中面試大致可分為個人面談與小組討論，後者比重更大，因校方更能見到學生的邏輯思維、應對等能力；過去不少學校出時事題目，「點樣喺一件事上，中立以及兩面，多角度去睇，我哋都會教學生……時事問題無可避免，同學都要講立場，不過立場是否中肯，而唔係偏袒、偏激都重要，中學會睇呢點，因為中學生開始有獨立思考……入到我們學校時，係咪能夠融入學校主流文化？呢樣都有影響」。
AI精英盼校方助發揮才能
學校素來有訓練學生在小組討論的應對技巧，黃鳳屏反而覺得不用刻意運用某些語句：「自然就可以，好似『我同意你剛才嘅說法』、『我同意、唔同意你邊一點』……贊成人哋意見有乜原因？係咪可以延伸自己想法？特別係唔同意時，自己有乜理據？」
高小學生選校已非完全由家長主導。四名北角衞理小六生陸續面試直資中學，選校有自己一套，陳婕妤五、六年級已屬校內AI（人工智能）精英隊伍，期望學校可以幫助自己發揮STEM才能，「學業都重要，可以引導你上大學嗰條路；揀咗嗰間中學係跟着住佢六年，要適合你去下一個階段學習」。
郭子悅則重視學校是否有英文辯論隊和英語音樂劇等活動，期望中學能延續興趣，「因為可以訓練我嘅批判性思考，同隊友溝通合作（能力）」。她亦做足資料搜集工夫，很認同其中一間心儀的英華女學校重視時間觀念，「透過school motto（校訓）已經知道學校唔少資料，你可以喺面試時用」。
「簡介不宜過份着墨優點」
曾贏過學界不少STEM獎項的盧旨熙指，準備個人簡介不宜過份着墨自己優點，「開始面試要先介紹自己，第二，係鍾意嘅科目以及介紹就讀小學，我覺得第四、五項講自己有乜獎項比較好，人哋先唔會覺得你太自大」。
教育局首次提早安排，所有參加派位的學校3月31日通知自行階段獲正取的學生。如果申請者同時獲兩所中學取錄，按現行機制會自動派入首志願。若果此階段正取生同時獲不參加派位的直資中學取錄，需於4月7日或之前決定是否保留該學位；若果保留則毋須理會該正取通知。倘若家長決定放棄非參加派位直資中學的學位，亦需於4月7日或之前通知校方及取回《家長承諾書》和《小六學生資料表》的正本，以保留在自行分配學位階段成功申請的學位。