歌手麥家瑜（Keeva）在2008年出道簽約環球，轉眼已入行12年，前日她在社交平台宣佈離開環球：「環球係我入行嘅第一間公司，咁多年嚟一直睇住我大，今日我想好好同公司上上下下講聲感謝同再見。感謝公司，感激老闆Duncan同我多位經理人咁用心栽培我，又畀咗好多機會我，感激為我付出過嘅同事，難忘同你哋一齊奮鬥過，努力過，緊張過，笑過同喊過嘅日子！」麥家瑜未有交代去向。
事實上麥家瑜簽約環球後機會不多，公司近年只力捧吳雨霏、Gin Lee及AGA，麥家瑜為生計甚至要兼職幫人補習，她昨接受《蘋果》訪問表示：「我曾經失蹤，冇工開唔敢面對家人，自己思想混亂，佢哋不斷打畀我，但我熄咗電話，朋友發晒癲搵我，冇地方去，失蹤一日。好唔理智，媽咪直情話要訂機票返嚟搵女，好多低落時期，靠朋友支持我。」
採訪：唐琛悠