劉德華前年原定在紅館舉行20場「My Love Andy Lau劉德華World Tour」演唱會，惟因患流感取消7場演出，主辦機構安排觀眾退票或換票，華仔向紅館申請檔期補場，將於下月15至28日舉行12場演唱會，本報收到讀者董小姐投訴，根據指定日期到九展換票，才知改了日子，激到一肚氣。
董小姐在電話中表示，早前應主辦機構要求，在網上做了換領手續，並收到確認信回覆，於1月4至19日到九展辦理換票：「我冇諗過冇任何通知情況下摸門釘，冇諗過咁兒戲。我唔係質疑華仔問題，但主辦安排真係好有問題，應該細心關懷登記咗嘅人。今日去到九展先知道改日子，仲要我唔聯絡對方，都唔發呢個email畀我。」《蘋果》向主辦機構了解，發言人表示：「我們於12月12-13日已經個別發出電郵或短信予已登記/補購人士通知更改領票日子的訊息。敬請相關人士翻查電郵或手機短信了解取票的最新安排。」
撰文：羅慧敏