PK721答應今日出席中西區區議會，會不會縮沙甩底，未知。區議員磨拳擦掌要好好質問鄧蛇，廣徵市民網友問題。有朋友沉痛表明，要質問鄧蛇：「每晚有冇見到周梓樂同學？你瞓得落覺嗎？」
身心俱疲的家長朋友抑鬱問：「鄧一哥，你有冇好似謝蛇咁幫老婆仔女搞移民？打算去邊？可唔可以全家移民返去肇慶？我好驚你搞移民時，我又搞移民，去到英美加澳紐都撞見你，真係想自殺。」
剛剛失業的中年人怒問：「P你個K，經濟下行，市民失業冇得撈，你班黑警大帝還想加薪、拎九億補水？對得住關二哥嗎？」
自認沉默大多數的蟻民被公司下令放無薪假，幽幽問：「你班黑警飲凍啤食海底撈，會不會背脊骨落？」
鍾意老餅婆的元朗朋友一句到位追問：「PK721，你以為721吟屍吟得甩？」
很久冇行mall的師奶問：「鄧蛇，你有冇試過蒙面去裝修？冇？我見過一個好似你，係你個仔定喇！你冇仔？驚起底？…！」
在TG扮鬼扮馬的黑衫大聲問：「×你老味！係乜春暗號？油塘警察宿舍無可疑被墮樓那個，係咪自己人？」