台灣選舉已曲終人散，民進黨蔡英文以逾800萬票大勝國民黨韓國瑜連任總統，民進黨更取得立委過半席位，可全面執政，外間均認為與香港特首林鄭月娥神助攻，推送中惡法，觸發香港社會逾半年抗爭有關係。有政界人士認為，與其說是林鄭助攻，倒不如說是習近平對港、對台政策一再犯錯，「仲要係明知出錯，都堅持唔改唔變、一錯到底，真係要有習近平呢啲領導，先出到林鄭呢啲特首」。
台灣人用選票還擊
該政界人士今次有到台灣觀戰，直言北京選前已打經濟牌，向蔡英文支持者極限施壓，「但反送中爆發後，台灣上下無不對中共在港施壓感恐懼，但北京、習好似完全睇唔到，再不斷施壓，結果逾800萬台灣人用選票話畀習聽，即使北京係經濟上再打壓，我哋台灣人都唔怕」，也令由江澤民年代開始對台統戰成果，「一鋪過俾習輸晒」。
他又指，其實習在過去半年，有無數機會透過回應港人訴求，緩和香港局勢，間接減低香港對台灣選舉的「殺傷力」，「但習近平不但冇咁做，反而一再對港加壓、任由警暴升級、力撐林鄭月娥」，他形容對港政策「一開始就錯，但明知錯都唔糾正，仲要一錯到底，結果連外交政策、對台政策都陪葬」，而到今天即使所有人也看到林鄭、北京對港政策為蔡英文以817萬票大勝助攻，「北京仲完全冇諗換林鄭、成立獨立調查委員會查警暴、堅持唔改政策」，恐怕北京除了毀了對台政策，「遲早因香港問題，北京、港府俾外國制裁，連成盤外交政策輸埋」。
季陶
周一、三、五刊出