【爆相爆片】劉浩龍自與容祖兒分手後，工作量不多，日前他單拖現身跑馬地，被讀者吳先生透過「爆相爆片」分享，劉浩龍到咖啡店打發時間。吳先生表示：「嗰朝約11點，見到劉浩龍喺跑馬地匯豐銀行撳錢，大約攞咗2千，之後上咗附近咖啡店飲嘢。見佢入去後同店員打晒招呼，似乎係熟客，佢邊飲咖啡邊玩手機，大約坐咗半粒鐘就走。」
另一日，吳先生又在跑馬地遇上任達華，他表示：「大約2點見到任達華喺成和道麵包舖買咗兩個提子包，有對夫婦認得佢要求合照，華哥好nice應承，之後上車時又有名男街坊同佢打招呼，華哥主動同人握手。」華哥獲街坊打招呼和邀合照，但劉浩龍卻沒人理會。
採訪：魯吉