陳靜（DaDa）與余安安之前在電影《Baby復仇記》中合作，戲中她們扮演新抱與奶奶，前晚兩人到灣仔出席電影座談會。DaDa尚未有做媽咪經驗，因此拍攝時余安安不時給予意見，育有兩女的余安安說：「諗返起好多以前大肚嘅事，真係會發噩夢，日思夜想，可能發夢BB唔健康、冇咗隻腳之類嘅事。」安安又指有將做媽媽的經驗與女兒分享，但她不急於做外婆：「有BB玩梗係開心，但唔會湊，我全心全意湊咗兩個女好夠喇！」
DaDa指今次角色感覺新鮮，並不會因此而嚇怕不敢懷孕，心理上更已準備好做母親：「拍完戲反而諗多咗，有好多細節要顧及，生小孩係一個女人嘅責任，但有BB要緣份，等感情穩定啲先。」
採訪、攝影：王連連