【爆相爆片】41歲台灣女星吳佩慈為富商男友紀曉波先後誕下兩子一女，目前陀第四胎，預產期在今年初。懷孕近九個月的吳佩慈，日前被《蘋果》讀者陳小姐透過「爆相爆片」分享，見到吳佩慈與老公帶三子女、兩名外傭及一名保鑣到海洋公園遊玩。
從讀者提供的照片所見，幾個小朋友在室內玩耍，一直由外傭照顧，保鑣推着嬰兒車，吳佩慈一直坐在石凳上休息，其間打了數個呵欠，而紀曉波就全程講電話。讀者陳小姐表示：「小朋友喺兒童天地玩，玩吓迷宮同瀡滑梯，吳佩慈只係望住小朋友玩，但冇陪佢哋一齊玩，係工人姐姐陪住。佢老公講咗好耐電話，聽到係講普通話，講完電話就坐埋吳佩慈身邊，兩公婆有傾有講，都好恩愛，有攬有錫㗎！」
採訪：葉晴
