【本報訊】在反修例運動中，多名投訴遭警方濫暴的市民及香港記者協會均指出，現行投訴警察制度只是警方自己查自己，社會對制度無信心，若監警會報告都建議要求政府成立獨立調查委員會調查反修例事件，認為林鄭政府應順應民意，記協主席楊健興直斥政府：「如果監警會做咗，佢唔跟監警會咁做，其實係欺騙市民。」
簡浩名：投訴課用好多方法滅聲
於去年10月20日在清真寺被警方水炮車以藍色水劑射中的巴基斯坦裔港人簡浩名表示，其投訴個案至今未有任何進展。他指：「投訴警察課自己人查自己人，永遠嘗試用好多方法滅聲，我哋好難攞到公正，佢唔係一個獨立部門，普通人邊有特權攞調查資料，應該要由一個獨立、公平、公正嘅調查部門處理。」
去年8月4日晚，將軍澳街坊陳恭信飯後與兒子到景林公園休憩，被防暴警察無故扑穿頭，陳向投訴警察課提交書面口供，但對方以其提出司法覆核、要求防暴警執法需顯示警員編號為由，暫停調查其個案，直至司法程序完結為止。陳冀望監警會勇敢表達事件真相，「監警會一直被指無牙老虎，好似我無端端被防暴警打穿嗰頭，你都話冇事實證明，咁老實講句『嗰制度完全冇用』，呼籲監警會為自己還番公道，出番啖氣」。
記者在反修例運動中也屢被警方襲擊侵犯，記協至今收到52宗投訴，當中27宗於去年6月中轉交投訴警察課跟進。楊直言現行投訴警隊機制有問題，市民以至記者都對投訴警隊機制沒信心，故要求獨立調查事件。他希望監警會通過這份專案組報告，「畀外界一個好清晰嘅監警會睇法」，亦希望政府順應民意，「林鄭話等監警會睇咗先，而監警會都係咁話，我睇唔到有任何理由林鄭推番之前話，叫人等監警會做咗調查先，如果監警會做咗，佢唔跟監警會咁做，其實係欺騙市民」。
■記者謝明明