基斯坦奴朗拿度（C朗）又入波，幫祖雲達斯周日作客2:1贏咗羅馬，祖記亦超越國際米蘭成為意甲半程冠軍。祖雲達斯今場一開波就靠一次罰球攻勢先開紀錄，C朗之後再靠12碼建功，呢個入波亦係C朗近6輪入嘅第9球，呢位葡萄牙球星今季聯賽入波都累積到14球。羅馬雖然追近到1:2，但都係贏唔到。祖記贏波後拎到48分，以兩分超越國際升上意甲榜首。