黃子華昨日在fb拍片，回應有網民質疑他自導自演的電影《乜代宗師》在深圳取景，不是香港人電影而發起罷睇。子華在片中透露自己沒收到片酬：「我係一毫子都冇收過，真實係……我係賣咗樓拍呢套戲。」子華澄清該片不是合拍片，他說：「我想好自由自在拍呢套戲，我唔想俾人控制我要點拍。套戲香港人投資、香港人賣樓、畀香港人睇，呢個係我心態。」賣樓開戲，子華說沒考慮過回本：「我冇信心，輸少當贏。」
提到有人質疑電影在深圳拍攝，子華說：「我問咗人，賣樓可以喺香港拍15日，但我套戲要拍50日，我唔係啲資深導演，可能佢哋15日得，我真係冇呢個能力。因為要取景啦，仲要廠房，都係錢嚟，如果要喺香港拍，可能要賣更多嘢。」子華最後形容自己是儍佬：「全行都認為我係儍佬，賣樓去拍，99%冇得翻本嘅戲。我講番真實情況畀大家聽，睇唔睇，唔係好緊要。」
撰文：克己