胡子彤、蔡頌思及蔡裕彤等昨早到觀塘海濱公園，為參與「全城街馬」健兒打氣。胡子彤表示早前拍攝電影《二次人生》時，不少跑手都幫手客串演跑步場口，他說：「拍攝過程令佢哋落差好大，因為可能跑十秒就停，又等半個鐘先再跑，所以今日知道有呢個賽事，一定要嚟支持同答謝佢哋。」問到為何不落場跑身體力行支持？胡子彤說：「好彩報唔到名，因為噚晚拍埋《地產仔》剩餘戲份，今朝只係瞓咗一陣，如果報咗都跑唔到，下次有一定會報名參與。」
年近歲晚，胡子彤預計下周一便完成手頭工作，他說：「今年會喺香港過，希望過年後抽到少少時間外遊沉澱吓。」另外，蔡裕彤表示已經收爐，蔡頌思則要忙文化中心演出的音樂劇。
採訪：馬建華
攝影：林賓尼