【律師之言】阿Paul（化名）自7月起貼連儂牆，一次遭警察以刑事毀壞罪名拘捕。他憶述當時警察突然衝前，「粒聲唔出，就chok低我」。他被推倒在地，手腳受傷，即使無反抗，警員仍用膝蓋頂住他太陽穴，被帶上車之後，更不斷被罵「曱甴」。他指「佢哋（警察）先係最暴力嗰個」。
不涉恐嚇 私隱 應包容
阿Paul說，連儂牆初衷不過是呼籲不同年齡人士注意身邊的新聞，本來很和平，不解為何單純貼海報，也遭暴力拘捕，「最暴力係呢個制度，如果唔係政府，我哋點會出嚟搞連儂牆？連呢一樣都唔畀，話係刑毀，根本就係滅聲」。
大律師何旳匡指，牆上貼文宣確有可能構成刑毀，但要視乎是否對牆壁構成損壞。他指如有人撕走連儂牆海報亦可能違法，「如果嗰啲張貼嘅物品好明顯係有物主嘅，撕走亦可以係刑毀甚至盜竊。」
文浩正律師指，是否干犯刑毀，先決條件是要有物主指物件受毀壞，也要看該面牆是否屬政府，「如果貼啲紙上牆，有膠水就話係刑事毀壞就似乎矯枉過正」，警方過往只會以《公眾衞生及市政條例》提控，原本只針對通街貼街招，最高僅判罰10,000元及每日罰款300元。
律師陸偉雄指，雖然警方執法有法可依，但他提出在公共地方張貼告示，只要不涉恐嚇和私隱的字句，例如「香港加油」，法理之下亦應包容。他以非法泊車為例，警方多數先勸喻，而非「下下抄牌」，「用嚴苛法律禁止人做呢啲行為，對社會唔係好事，反彈可能仲大」。
■記者陳詠恩