【本報訊】被謔稱為「新疆嶺」的新界北部新屋嶺拘留中心，再次傳出警暴。受害人阿強（化名）投訴，警方為取得其車cam片段，致電預約拘捕，翌日到警署候查時，警方在車cam未有搜出相關片段，懷疑阿強故意銷毀，把他送到新屋嶺拘留中心。阿強沒被告知以何罪名被捕下，被拘留10小時，警員拳打腳踢，又要他吃白麵包和飲廁所水。
阿強於8月尾某天晚上駕車誤入示威區，「一班防暴block咗我架車，我就喺同一條路掉頭走，之後我架車嘅車頭已經係示威者，車尾係警察，兩邊喺度對峙」。之後防暴驅散人群，他就駕車離開。翌日有警員致電預約拘捕，稱要取其車cam，「睇邊啲示威者掟嘢」。預約拘捕當天，阿強向警方解釋，因車cam記憶體有限，沒儲存的影片會被覆寫及刪除，所以沒有相關示威片段。
拳打腳踢 提供廁所水「飲用」
從事刑事案件多年、跟警方素有交手的律師陳惠源（Benson）說：「差人話自己有合理懷疑，其實佢哋講呢句就係毫無合理疑點，如果佢哋有，就應該由法庭頒下，合規合法的搜查令取得影片。」警方不能假設物主知道影片內容後刪除影片，背後有evil thinking（邪惡念頭），「我嘅財產，我夠時間要銷毀我啲紀錄，唔好畀任何人，尤其是特區差人去描繪你腦筋入面諗緊乜，咁樣好危險」。
阿強在警署兩小時後，被安排跟其他被捕人士一起上旅遊巴到新屋嶺。警員起初拒讓他致電律師，之後着他用自己手機打。阿強不虞有詐用FaceID解鎖，警員一手搶了他的電話，「我話：『你哋咁都得呀？』佢就話：『呢度冇CCTV，我做乜都得。』」他又指控，警方在其WhatsApp向聯絡人發出百多個相同訊息，引他們交出跟阿強去非法集會的證據。
「好彩係佢send出去個語氣太斯文，我朋友覺得唔似係我，問多兩問覺得唔對路，有啲朋友知道我俾人拉咗……佢（警員）問我WhatsApp入面係咩人嗰時有拳打腳踢，我話：『我唔需要同你交代呢啲嘢。』」
阿強在新屋嶺提出想吃東西，警員給他麵包和廁所水，他因太餓吃掉，結果被扣留10小時後無條件釋放。他說自己不是參與示威，也非在示威現場被捕，沒料到會得到如此對待。「呢半年佢哋離譜到乜地步大家有眼睇，你話告非法集結，瘋狂駕駛，你講啫，你告唔告得入？」
■記者程詩敏