「唔係對我負責，係對佢兩個（孫）負責。」患上肺癌四期，正與癌魔搏鬥的功叔，為親眼見證愛孫讀大學，他每日練氣功、跑步，堅持運動，希望能強健身體，迎接那一天的到來。不過目前功叔的抗癌路上面臨強大金錢壓力，他雖獲慈善機構贊助小部份藥費，但每三星期藥費高達2.1萬元，令他難以負擔。功叔期望獲得善心人的幫忙，能夠成功控制癌病，讓他可以達成心願。
記者：廖怡德
現年71歲的功叔祖籍海南，年輕時讀書至初中，因他較有「文化」而獲安排到當地的商務部門任採購員，生活不錯。不過功叔其後與上級不咬弦，最終放棄政府工選擇移居香港，由低做起。功叔來港後曾任職工廠，後來轉到日資百貨公司擔任行政工作兼保安部，自此與保安行業結下不解緣。
功叔在日資百貨公司工作10多年後，因百貨公司結業而轉做全職保安，更因表現良好而獲嘉獎：「有一次我當值撞到差人放蛇，佢扮成飛仔咁話要上樓搵人，咁我有少少警惕，我話乜嘢人乜嘢名，佢答唔出，我就知道啦……過兩日就通知我公司攞封嘉許信畀我，公司仲加我人工㖭。」
功叔獲得上司嘉獎後不久，身體卻響起警號；前年3月功叔因身體不適求醫：「初初我就覺得左邊肋骨痛……貼止痛貼都唔掂，後尾睇咗幾次醫生，佢話可能係腎結石……照嚟照去都照唔到，後尾再去西灣河睇門診叫我去照肺，然後就發覺（陰影），再轉介我去東區醫院。」
功叔入院檢查，但因抽肺組織化驗時大量出血，差點沒命。「條管由鼻窿插入去肺抽啲組織出嚟，搞到我成身血……我着嗰件醫院袍都濕哂。後尾第二日我暈咗，都唔知乜事，醫院三更半夜打鑼咁叫我屋企人嚟……最後我醒咗，未死得，醫生話係第四期呀，即係末期。」
最後功叔確診患上末期肺癌，檢查後醫生安排他注射化療針，但並無太大功效，惟有轉用免疫治療，但藥費每三星期需要2萬多元，僅靠綜援金為生的功叔根本無法負擔：「第一次打，醫生開張紙之後叫我交錢，我成副身家得2,000幾蚊……我話無錢，醫生話無錢無得打，後尾我問醫生……我無錢打，我無錢係咪要死呀？醫生話，又唔會嘅，咁你無錢都無辦法，我幫唔到你。」
後來功叔得到香港防癌會幫忙資助部份藥費，終於完成兩個療程，但日後能否繼續獲資助，仍是未知之數，功叔自覺療程有效，不希望半途而廢，但每次2.1萬元藥費根本無力負擔，希望有心人能提供資助。
「唔打針嗰粒嘢（癌腫瘤）唔會消，我呢排打完針我覺得身體好fit，我每朝都跑步一粒鐘……今次打完第二期，第三期會唔會續期呢，我唔知，總之我有一日就行一日啦。」
現時功叔每日都積極做運動，除跑步外亦勤練氣功，飲食方面更盡量以飽肚為主，努力增磅，希望加強抵抗力，能以最佳狀態抗癌。「我